Licol, m. acut. Est composé d'un corrompu Li pour lie, et d'un entier Col, et se prend pour la corde ou longe, dont on lie le col d'une beste pour la mener, Colli ligaculum, et est sans museliere, soubs-barbe ne testiere, en quoy il differe du chevestre qui est assorti desdictes pieces. On en use toutesfois indifferemment pour Chevestre, Capistrum, mais improprement: Car le Licol proprement prins, ne tient nullement à la teste de la beste qui le porte. Il se prend aussi pour la corde ou cordeau que le Bourreau met au col pour estrangler ceux qui luy sont livrez par Justice pour les pendre, Laqueus.

Le licol d'un cheval, Stabularium vinculum, vel praesepiarium, Habena verticaria. B.

Bailler le licol ou la testiere, Induere habenam verticariam equo. B.