Nicotiane, f. penac. Est une espece d'herbe, de vertu admirable pour guarir toutes navrures, playes, ulceres, chancres, dartres, et autres tels accidents au corps humain, que Jean Nicot de Nismes Conseiller du Roy, et maistre des requestes de l'hostel dudit Seigneur, estant Ambassadeur de sa Majesté Tres-chrestienne en Portugal, lequel a recueilli ce present Thresor ou Dictionaire de la langue Françoise, envoya en France l'an mil cinq cens soixante. Dont toutes Provinces de ce Royaume ont esté engées et peuplées, à cause de quoy laditte herbe a obtenu et porté ledit nom de Nicotiane, pour de laquelle sçavoir l'histoire entiere, voyez le ch. 59. du li. 2. de la Maison rustique.