Parlement m. acut. C'est devis et conference entre deux ou plusieurs sur quelque affaire, Colloquutio, Colloquium. Liu. lib. 23. Parlement aussi est une Cour souveraine seant en la ville capitale de son ressort. On dit selon cela Cour et Cours de Parlement, et telles Cours ont ce nom, par ce que les advocats des parties ouys, le President avec les conseillers, ores du costé dextre, ores du senestre, parlemente, parle et confere sur l'Arrest qu'il convient là dessus donner. Aucuns le rendent en Latin, Senatus, peu proprement. Autres Curia suprema. Autres simplement Curia: Mais qui voudroit representer l'energie du mot, pourroit le rendre par Curia colloquij. J'ay dit Cour seant en la ville capitale de son ressort, car jaçoit ce que le grand conseil et presidiaux parlementent aussi comme lesdictes Cours, si ne sont-ils pourtant appelez Cours de Parlement, et est demeurée cette antonomasie ausdictes Cours.

Rompre le parlement d'aucun propos, Colloquium dirimere.

Rompre le parlement qu'on a ensemble, Colloquia interrumpere.

¶ Les villes où il y a parlement, Vrbes curiales. B.

Le Parlement commence le lendemain de la sainct Martin, Curia natalem habet actionum causarum atque altercationum, postridie Martinalium. B.

Dix mois de Parlement, Curia vniuersa quotannis considet decem mensibus pro potestate summa et imperio. B.