tabellion

Tabellion, m. acut. Est un mot usurpé du Latin Tabellio, par la mesme forme que le François dit de Scipio, Cicero, Cato, Scipion, Ciceron, Caton, et vient de Tabella, diminutif de Tabula, qui estoit envers les anciens Romains une tablete de bois quarrée plus longue, plastrée de cire, en laquelle avec un poinçon ou broche de fer ils gravoyent leurs actes d'entre privées personnes, mesme leurs lettres missives; lequel poinçon ils appeloyent style. (car quant aux actes et monuments publiques, ils estoyent en plus commun usage, gravez ou en des grands et larges tableaux de fonte ou de cuyvre avec le burin et l'eauë fort, ou de marbre et autre pierre dure, comme l'est la Tyburtine avec le ciseau,) Or n'y avoit il anciennement entre les Romains des personnes establies par adveu et auctorité souveraine, pour rediger par style esdites tabletes cirée, les convenances et contracts qui advenoyent entre les privées personnes, fussent ils d'entre vivants ou de derniere volonté. Mais estoyent redigez entre ceux qui contractoyent, presques en la maniere des seellez jadis tant usitez entre les gentils-hommes François, et desquels les Archifs des Eveschez du pais de Nort sont pleins, et depuis declinant l'Empire ils furent establis en trop plus de grandeur d'office qu'il n'est en France, ou Tabellions sont dits ceux qui passent és villes de moindre importance, et és bourgs et villages, les actes d'entre personnes privées, nous servants en cela du diminutif Tabella, dont ce vocable est tiré, ne daignants du nom de Notaires, que ceux qui sont establis és villes de respect.

tabellionage

Tabellionage, m. penac. Est le greffe, bureau ou contour, où selon les Edits du Roy, tels actes sont enregistrez et comme insinuez.

tabellioner

Tabellioner, act. acut. Est rediger par un tabellion en forme d'escriture authentique les actes que dessus.

tabernacle

Tabernacle, Et pavillon, Tabernaculum.

Le tabernacle de nostre corps, ou l'esprit est logé, Custodia corporis.

table

Table, f. penac. Vient par syncope du Latin Tabula, comme de Seculum, Crustulum, Seclum, Crustlum, et signifie en general un ais de bois long et quarré. Selon laquelle signification on dit Entablature, où plusieurs tels ais sont rengez pair à pair ensemble. L'Espagnol dit Tablado, et l'Italien Intavolatura. Tantost il signifie la table quarrée, sur laquelle on boit et mange d'ordinaire, que l'Italien dit aussi Tavola, et l'Espagnol Mesa, au plus pres de Mensa. De laquelle signification dependent ces manieres de parler, Mettre la table, Mensam apponere, sternere. Lever la table, (dont vient cette maniere de parler, De relevée, pour dire, apres disner) Mensam efferre, ce que l'Espagnol dit, Alçar la mesa, Sustollere. Car anciennement les tables estoyent levisses, ainsi qu'on le void encore usiter és hostels du Roy, de la Royne, et des enfans de France, et presque en toutes les maisons et seigneuries en Espagne. S'asseoir à table, Assidere mensae, (car Discumbere, ou Accumbere, sont mots propres des anciens triclines, et à l'assiete des Turcs, dont nos Rois usent quand ils sont à l'assemblée.) Se lever de table, A mensa se erigere. Estre longuement à table, ou Tenir longue table, Diutius mensae immorari, adsidere. Et au contraire, Tenir courte table, et par metaphore, Tenir bonne table, Affatim epulari, Mensam plurimis ferculis instruere, Opipare commensales ac conuiuas accipere. Tenir table à tout le monde, ou Tenir table ouverte, qu'on dit aussi, Tenir table ronde et maison ouverte, Absque discrimine quoslibet ad epulum admittere. J'ay dit Table de bois, et Table quarrée en cette-dicte signification, par ce que pour ce signifier on n'use d'aucune adjection, ce qu'on fait quand la table n'est ni de bois ni quarrée. Car en tel cas on dit, ou Table d'airain, AEnea tabula, ou Table de pierre, Lapidea tabula. ou Table de marbre, Marmorea tabula, ceu mensa, Mot assez cognu et usité au Palais à Paris, et Table ronde, Circularis tabula vel mensa. Qui est un mot rehaulsé et signalé és Romans et histoires Françoises à cause des Chevaliers de la Table ronde, mise en avant par Artus Roy d'Angleterre au lieu de Westmonstier, laquelle est faite en demies losenges vertes et blanches entremeslées, dont le large faisoit le bord, et la poincte le centre d'icelle table. Ce qui estoit ainsi divisé par ledit Roy, pour monstrer la grande proüesse de tous lesdits Chevaliers estre pareille, si qu'on n'eust sceu à qui en donner l'advantage, et que l'innocence et integrité de coeur à maintenir et exercer chevalerie, estoit sans tache et en vigueur sans fener ni flaistrir en eux. On dit aussi Tenir table ronde, pour le mesme que nous avons dit cy dessus, Tenir table ouverte. Nicole Gilles parlant du retour du Roy Philippe Dieu-donné, ayant obtenu la journée d'aupres le pont de Bovynes: Tant chevaucha le Roy qu'il vint à Paris: les Bourgeois, l'Université les Colleges, les Eglises, Religions et Couvents allerent au devant à grands triomphes, chantans loüanges, et trompettes, clairons, menestriers, toutes les cloches de la Cité sonnans, les ruës tenduës de tapisseries, et tous autres signes de triomphe et joye: et toute la nuit estoyent allumées torches, falots, flambeaux et lanternes, tellement qu'on voyoit clair comme le jour, et tindrent table ronde à tous venans par l'espace de sept jours, à grands fraiz et despens, c'est à dire, bouche à court, table ouverte à desfray à tous qui venir y vouloyent. Et en la vie de Charles septiesme: Tantost apres commencerent à sonner toutes les cloches de la ville, et chanter par toutes les Eglises, Te Deum laudamus. Et le soir fit l'on feu de joye, et grande solennité, et par les carrefours tenoit on table ronde à tous venans. Mathieu de Westmonstier en son Flores Historiarum, prend aussi table ronde pour tournoy de Chevaliers armez en lices, escrivant des cas advenus en Angleterre l'an 1252. Factum est hastiludium quod Tabula rotunda vocatur, vbi periit strenuissimus miles Herualdus de Munteinni. Livius au 23. livre la descrit ainsi, Apparata conuiuia omnibus in propatulo aedium fuere.

Table ronde, ou un rondeau de patissier, Magis magidis.

Table qui n'a qu'un pied, Monopodium.

Table faite en forme de Croissant, comme celle qui estoit au cenacle hemicycle du palais du Cardinal du Bellay pres Termini à Rome, Sigma sigmatis.

Tables de bois madré, Pantherinae mensae.

Table de bois picoté, comme d'ordure de mousches, Apiata mensa.

Table à tous venants, ou Table ronde, Epularis mensa. B.

Tenant table à qui y veut aller, Conuiuator mensae cuique patentis, atque etiam non inuitatis obuiae. B.

Gens qui suyvent les bonnes tables et friandes, Asseclae mensarum extructiorum. B.

Ce sera pour la fin de la table, Hoc ferculum claudet conuiuium. B. ex Martiale.

Une table sur laquelle n'y a point de viande, Inanis mensa.

Garnir les tables de beaucoup de mets, Extruere mensas epulis.

Estans levez de table, Misso conuiuio.

Honeste table, Victus frugi.

Qui tient bonne table, Lautus homo.

Chiche table, Victus sordidus.

Table de quelque metail que ce soit, Lamina.

¶ Table pour joüer aux dames, ou autre jeu de tablier, Calculus.

Joüer la premiere table, ou Joüer le premier, Primum calculum promouere. Liu. lib. 22.

¶ Table d'autel, Abaculus altaris. B.

¶ Une table en laquelle est brievement comprins ce qui est en un livre, Index librorum.

tablette

Tablette, Tabella, Mensula.

Tablette cirée en laquelle les anciens escrivoyent, Tabula cerata, Pugillares, Palimpsestus.

Tablettes esquelles on escrit toute chose que ce soit sans ordre, pour apres la mettre au net dedans son papier journal, Aduersaria, aduersariorum.

Toute tablette sur laquelle on escrit nombres d'arithmetique pour compter, comme on fait sur les ardoises, Abacus.

Tablettes où les anciens escrivoyent comme nous faisons en papier.

Les tablettes où le testament estoit escrit, Tabulae.

Les troux des tablettes de bois, esquels on met les marchandises chascune à part, Nidi.

tablature

Le ventre et la tablature d'un luc, ou autre instrument semblable, Testudo.